7 июньдә Кабан яр буенда казанлыларга «Балачак кая китә?» темасына фильмнар күрсәтеләчәк

Программаны режиссер Дмитрий Рудаковның «Недетный дом» исеме астындагы тарихы ачачак.

(Казан шәһәре KZN.RU, 6-нчы июнь). 7-нче июньдә Кабан күле яр буенда ачык һавада чираттагы кино күрсәтү узачак. Казанлылар «Балачак кая китә?» темасына кыска метражлы дүрт картина күрәчәк.

Программаны режиссер Дмитрий Рудаковның «Недетный дом» исеме астындагы тарихы ачачак. Фильм урамда калган балалар, әмма ялгыз хатын-кыз Зоя һәм үзе кебек ташландыклар ярдәмендә гаиләле булган сабыйлар турында. Опека хезмәте белгечләре фикеренчә, катгый тәртип һәм шартлар урнаштырылган бер йортта аларга кысырыклана.

Режиссер Артур Виденмеерның «Вера и Глюча» исемле кыска метражлы фильмы да күрсәтеләчәк. Сценарий нигезендә лифтта калган тугыз яшьлек кыз бөтен шәһәргә шалтыратып чыга, тик аңа бер генә номер да җавап бирми. Ниһаять, очраклы рәвештә ул тере кешегә эләгә.

Программаны режиссер Тимур Квеквескириның Россия һәм Абхазия копродукциясе «Отец» дәвам итәчәк. Бу Кавказ таулары фонында бара торган зирәклек, әхлак, ир-ат гамәлләре һәм кан үче турындагы тарих. Картиналар XIX гасыр азагында Абхазиядә бара. Фильм дөнья дәрәҗәсендәге күпсанлы дәрәҗәле кинофестивальләр катнашучысы һәм лауреаты булган.

Кичәне Татарстан режиссеры Влада Васильеваның «Рабочий момент» картинасы тәмамлаячак, ул Виктория Токареваның шул исемдәге хикәясе мотивлары буенча төшерелгән. Әле бик кечкенә булган малай язмыш кушуы буенча, бер мизгелгә, бер «Эш мизгеле», аның өчен бөтенләй билгесез булган дөнья - кино дөньясы һәм көндәшлек кебек төшенчә белән очраша. Режиссер һәм креатив продюсер тамашачыларга үз проектын тәкъдим итәчәк һәм кызыксындырган барлык сорауларга җавап бирәчәк.

Кино күрсәтү 21.00 сәгатьтә башлана, дип хәбәр итә «Кино вакыты» дирекциясе матбугат хезмәте.

Исегезгә төшерәбез, 8-нче июньнән Казанның Иске Татар бистәсендә ачык һавада фильмнар күрсәтелә башлый. Импровизацияләнгән кинотеатр Шиһабетдин Мәрҗани урамындагы 10-нчы номерлы йорт янында урнашачак. Ә «Крылья Советов» паркында «Ретро-пәнҗешәмбе» бушлай кино күрсәтү циклы башланды. Саф һавада киносеанслар атна саен җәй ахырына кадәр күрсәтеләчәк.

Шулай ук укыгыз

Барлык яңалыклар