7 февральдә "Компьютер иле" төбәкара фестивале старт ала

Катнашуга 4-11 сыйныф укучылары, шулай ук аларның педагоглары чакырыла.

(Казан шәһәре KZN.RU, 30-нчы гыйнвар). 7 февральдә "Компьютер иле" XXIII төбәкара ачык фестиваленең дистанцион туры старт ала, ул Идел буе шәһәрләре ассоциациясе тарафыннан үткәрелә. Катнашуга 4-11 сыйныф укучылары, шулай ук аларның педагоглары чакырыла.

Фестивальнең беренче, дистанцион туры 1 мартка кадәр дәвам итәчәк, шуннан соң җиңүчеләр фестивальнең турыдан-туры этабында катнашачаклар.

Дистанцион турда катнашучыларның үзара челтәрле хезмәттәшлеге, клуб җитәкчеләре инструктажы, фестивальнең дистанцион туры программасы кысаларында турыдан-туры эш, әйтик, "Компьютер марафоны" дистанцион команда уеннарын үткәргәндә күздә тотыла.

Таләп ителгән балларны җыйган катнашучылар Самарада 26-27 мартта узачак фестивальнең турыдан-туры этабына кушылырга хокуклы.

Фестивальнең икенче туры кысаларында төрле клублар буенча фестивальнең ачык чемпионатлары планлаштырылган ("Мәктәп мәгарифендә мәгълүмати технологияләр" укытучылары клубы, "Абрис" дизайнер программистлар клубы, web-мастерлар, робототехника клубы һәм башкалар). Моннан тыш, катнашучылар өчен мастер-класслар, экскурсияләр үткәреләчәк, укытучылар өчен түгәрәк өстәлләр, иҗади лабораторияләр һәм остаханәләр эшләячәк.

Дистанцион турда катнашу өчен гаризаны 7 февральдән дә соңга калмыйча бирергә кирәк, тулырак мәгълүматны фестиваль нигезләмәләрендә һәм сайтта өйрәнергә мөмкин.

Көндезге турда җиңүчеләр истәлекле бүләкләр, кыйммәтле бүләкләр һәм фестивальнең клуб һәм ачык чемпионатларында җиңгән өчен дипломнар белән бүләкләнәчәкләр, дип хәбәр итә оештыручылар.

Шулай ук укыгыз

Барлык яңалыклар