69 яшьлек казанлы каракларга ярты миллион сум акча күчергән

Моның эшләү өчен ул банкомат аша 30-дан артык операция үтәгән.

(Казан шәһәре KZN.RU, 3-нче сентябрь). 69 яшьлек казанлы каракларга 500 мең сум акча күчергән. Моның эшләү өчен ул банкомат аша 30-дан артык операция үтәгән. Зыян күрүче мөрәҗәгать иткән «Сафиуллин» полиция бүлегендә «Караклык» маддәсе буенча җинаять эше кузгатылган.

Ир-ат полицейскийларга мобиль телефонга билгесез кеше шалтыратканлыгын һәм үзен банкларның берсенең куркынычсызлык хезмәте хезмәткәре буларак таныштырганын сөйләгән. Хатын-кыз аның банк картасыннан 800 мең сум күчерү омтылышы теркәлгәнлеге турында хәбәр итә. Пенсионер мондый операцияне башкармаганлыгы турында җавап биргән, моңа карша билгесез ханым картаны блоклаганлыгы турында әйткән. Ул шулай ук ир-атка акчаларны саклау өчен барлык җыйган акчаларын картадан алырга һәм ул ясаячак исәп-хисап счетларына күчерергә кирәклеген хәбәр иткән.

Шуннан соң ир-ат 800 мең сум акчасын алу өчен банк бүлегенә китә. Аның исәбендә мондый сумма булмый һәм ул 500 мең сум акчаны гына банкоматтан ала. Аннары ул ике төрле счетка 337 мең һәм 163 мең сум күчерә. Шуннан соң ят хатын аның белән элемтәгә керәчәген һәм кайсы адрес буенча блокланганы урынына яңа карта алып булуын хәбәр итәчәген әйтә. Әмма зыян күрүчегә берәү дә шалтыратмый, шуннан соң ул полициягә мөрәҗәгать итә.

Россия Эчке эшләр министрлыгының Казан буенча идарәсе халыкка таныш булмаган кешеләрдән килгән бөтен мәгълүматны яңадан тикшерергә киңәш итә. Таныш булмаган кешеләргә үзләренең банк карталары һәм счетлары турында мәгълүмат бирергә, билгесез счетларга акча күчерергә ярамый. Караклар хәйләсенә эләккән очракта кичекмәстән полициягә «02» яки «112» телефоннары буенча мөрәҗәгать итүләрен сорыйлар.

Шулай ук укыгыз

Барлык яңалыклар