Казанда «ЗаБег.РФ» ярыммарафонында 650 кеше катнашты

Ярыммарафонның абсолют җиңүчесе Ренат Кашапов булды, хатын-кызлар зачетында Марина Смирнова җиңде.

(Казан шәһәре KZN.RU, 3-нче август). 650 казанлы һәм шәһәр кунаклары Татарстан башкаласында 2-нче августта узган «ЗаБег.РФ» Бөтенроссия ярыммарафонында катнашты. Катнашучылар 4 дистанцияне уздылар - 1 чакрым, 5 чакрым, 10 чакрым һәм 21,1 чакрым.

Ярыммарафон буенча абсолют җиңүче итеп икенче ел рәттән 1:08:54 нәтиҗәсе белән Ренат Кашапов билгеләнде. «Көмеш»не Ярослав Бякин яулды (1:10:17). Өченче урынга 1:11:53 нәтиҗәсе белән Сергей Семенов ия булды. Хатын-кызлар исәбендә дистанцияне 1:17:35 вакытта узган Марина Смирнова җиңүче булды. Икенче һәм өченче урынны Татьяна Шутова (1:26:44) һәм Едвига Исанаева (01:28:34) алды, дип хәбәр итә TIMERMAN спорт чаралары сериясе матбугат хезмәте.

Оештыручылар ярышларны имин уздыру өчен барлык шартларны тудырды. Катнашучылар битлек һәм перчаткаларда иде һәм кулларны дезинфекцияләү чаралары белән тәэмин ителделәр, керү урынында барысының да температурасы үлчәнде. 5 секунд саен 5-әр кеше старт алды, катнашучылар арасында социаль дистанция сакланды. Медальләр һәм бүләкләрне волонтерлар пакетларда тапшырдылар.

Шулай ук укыгыз

Барлык яңалыклар