Яңалыклар
07.03.2023, 12:53
Татарстанда 2022 ел ахырында 64 ялган акча билгесе ачыкланган
Ачыкланган ялган акчаларның күбесе – 5 мең сумлык банкнотлар.
Фото: Денис Гордийко
(Казан шәһәре KZN.RU, 7 нче март). 2022 елның октябреннән декабренә кадәр Татарстанның банк секторында 64 ялган акча билгесе ачыкланган. Бу узган кварталга караганда азрак (80 табылган булган). Ялган акчаларның күпчелеге – 5 мең сумлык банкнотлар.
1000 һәм 2000 сумлык номиналлы ялган банкнотлар – 6 шар данә, 100 сумлык ике данә ачыкланган. Моннан тыш, бер чит ил ялган банкноты – 50 АКШ доллары табылган, дип хәбәр итә Россия Банкының Татарстан Республикасы буенча Милли банк матбугат хезмәте.
Белгечләр искәртеп узганча, һәр кеше үзендә булган Россия банкнотларының дөреслеген мөстәкыйль рәвештә тикшерә ала. Моның өчен ким дигәндә өч саклагыч билгегә игътибар итәргә кирәк, аларны тотып карап, яктылыкка куеп һәм күрү почмагын үзгәртеп белеп була.
Шик тудырган банкнот ачыклаганда, Эчке эшләр органнарына мөрәҗәгать итәргә яки аны акчалалар белән операцияләр башкаручы теләсә кайсы кредит оешмасына яки аның бүлекчәсенә экспертизага тапшырырга кирәк.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
