6 мартта Казанда томан, юеш кар һәм көчле җил фаразлана

Шәһәрдә көндез температура +2-4 градус тәшкил итәчәк.

(Казан шәһәре KZN.RU, 5-нче март). Татарстан һәм аның башкаласында начар һава шартлары саклана. Мәсәлән, синоптиклар фаразларына караганда, 6 мартта республика территориясендә төнлә һәм көндез көчле җил (10-15 м/с, урыны белән 17-22 м/с кадәр) (Казанда 15-20 м/с кадәр), урыны белән томан, төнлә кайбер районнарда бозлавык һәм кыска вакытлы буран көтелә.

Һава торышы болытлы булачак. Юеш кар һәм яңгыр явачак. Киләсе төндә Казанда температура нульдән минус 2 градуска кадәр тәшкил итәчәк, Татарстанда – +1градустан минус 4 градуска кадәр. 6 мартта көндез термометр баганалары +2-4 градуска кадәр күтәреләчәк, республикада температура нульдән +5 градуска кадәр үзгәреп торачак. Юлларда урыны белән бозлавык, дип кисәтә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар