6 июльдә Казанда Бразилия һәм Бельгия җыелмалары уйный

Уен “Казан Арена” стадионында узачак һәм 21.00 сәгатьтә башлана.

(Казан шәһәре KZN.RU, 3-нче июль). Футбол буенча дөнья чемпионатында чирек финалга чыккан командалар билгеле булды. Алар Казанда 6 июльдә уйнаячак. Бу Татарстан башкаласында узырга тиешле алты уенның соңгысы була.

Кичә 1/8 финал матчында Бразилия җыелма командасы 2:0 хисабы белән Мексика җыелмасын җиңде. Кичә узган икенче уенда Бельгия уенчылары Япония командасын 3:2 хисабы белән җиңделәр.

Шулай итеп, “Казан Арена” стадионында Бразилия һәм Бельгия җыелмалары очрашачак. Уен 21.00 сәгатьтә башлана.

Моннан кала, 1/4 финалда 6 июльдә Уругвай командасы Франция җыелмасы белән очраша, ә 7 июльдә Россия Хорватия белән көч сынаша. Чирек финалда уйнаячак соңгы командалао бүген билгеле булачак – 17.00 сәгатьтә Швеция һәм Швейцария уйный, 21.00 сәгатьтә – Колумбия һәм Англия.

Шулай ук укыгыз

Барлык яңалыклар