6 апрель көнне Качалов исемендәге театр артистлары шигырь укыячаклар

Кичә ахырында артистлар белән автографсессия һәм фотосессия узачак.

(Казан шәһәре KZN.RU, 5-нче апрель). 6-нчы апрель көнне Татарстан Республикасы Дәүләт сынлы сәнгать музееның Заман сәнгате галереясендә В.И.Качалов исемендәге театр артистлары шигырь укыячаклар. 18.00 сәгатьтә башлана торган әдәби кичә «Матур шигырьләр» проекты кысаларында узачак.

Акциядә Татарстанның халык артисты Илья Славутский һәм Татарстанның атказанган артисткасы Елена Ряшина катнашачак. Алар Константин Бальмонт, Николай Гумилев, Иосиф Бродский, Белла Әхмәдуллина, Сергей Есенин һәм башка популяр авторларның әсәрләрен укыячак.

Театр-музей проектында музыкантлар да катнаша. Шунысын да билгеләп үтәргә кирәк, хәзерге заман сәнгате галереясендә Егор Плотниковның «Минута до пробуждения» күргәзмәсе бара, һәм Люси Воронованың 65 еллыгына багышланган экспозиция оештырылган.

Кичә ахырында артистлар белән автографсессия һәм фотосессия узачак, дип хәбәр итә В.И.Качалов исемендәге театрның матбугат хезмәте.

Шулай ук укыгыз

Барлык яңалыклар