Узган тәүлектә Казан урамнарыннан 6,2 мең тонна кар чыгарылган

Казан урамнарын җыештыруга 308 юл эшчесе һәм 453 махсус техника берәмлеге җәлеп ителгән.

(Казан шәһәре KZN.RU, 25-нче февраль). Узган тәүлек эчендә юл хуҗалыгы хезмәтләре Казан урамнарыннан 6210 тонна кар чыгарганнар. Казан урамнарын җыештыруга 308 юл эшчесе һәм 453 махсус техника берәмлеге, шул исәптән 164 катнаш юл машинасы, 8 кар төягеч, 89 трактор щеткасы, 10 грейдер, 61 фронталь төягеч, 31 "Барсик" мини-төягече, 82 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 355 тонна бозлавыкка каршы матдә, шул исәптән 42 тонна реагент һәм 313 тонна ком-тоз катнашмасы кулланылган.

Бүген көндез урамнарны кардан чистартуга 472 юл эшчесе һәм 297 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: Авиахим, Айдаров, Әхтәмов, Бауман, Белинский, Беломорск, Бигичев, Восстание, Гагарин, Кл Гали, Гафур, Рихард Зорге, Ильич, Ипподром, Копылов, Красиков, Кызыл Позиция, Королев, Короленко, Лукин, Меридиан, Минск, Каюм Насыйри, Несмелов, Павлов, Петербург, Совет, Трамвай, Тэц, Сибгат Хәким, шулай ук Болак, Әмирхан проспектыннан, Киров дамбасы һәм Мамадыш тракты, Теннис академиясе, Ирек мәйданы һ.б. урыннардан.

Шулай ук укыгыз

Барлык яңалыклар