Сәламәтлек мөмкинлекләре чикләнгән 58 бала «Крылья Советов» паркында узган «Добролыж» спорт чарасында катнашты

Чаңгы юлына чыккан барлык балалар мактау грамоталары, истәлекле медальләр һәм призлар алдылар.

Фото: «Авиатор» физкультура-спорт җәмгыяте

(Казан шәһәре KZN.RU, 3 нче март). Казанның «Крылья Советов» паркында сәламәтлек мөмкинлекләре чикләнгән балалар катнашында «Добролыж» чаңгы ярышлары узды. Катнашучыларга мактау грамоталары, истәлекле медальләр һәм призлар тапшырылды.

Спорт чарасы сәламәтлек мөмкинлекләре чикле 58 баланы һәм аларның әти-әниләрен берләштерде. Чаңгыга «Забота» инвалид балаларның ата-аналарының иҗтимагый оешмасында тәрбияләнүчеләр һәм сәламәтлек мөмкинлекләре чикләнгән балалар өчен каралган 1 нче интернат-мәктәп укучылары чыкты.

«Добролыж» шәһәр башкарма комитетының физик культура һәм спорт комитеты, Авиатөзелеш һәм Яңа Савин районнары администрациясе, «Игелекле Казан» коммерцияле булмаган автоном оешмасы һәм «Синең файдага» хәйрия фонды ярдәмендә узды, дип хәбәр итә «Авиатор» физкультура-спорт җәмгыяте.

Шулай ук укыгыз

Барлык яңалыклар