Казан юлларын төнлә кардан җыештыру өчен 53 юл эшчесе һәм 249 махсус техника җәлеп ителде

Юл хезмәтләре казанлылардан машиналарын юл кырыйларында калдырмауларын сорый.

Фото: Марат Мугинов

(Казан шәһәре KZN.RU, 17-нче декабрь). 18-нче декабрьгә каршы төндә Казан урамнарын кардан чистарту өчен 53 юл эшчесе һәм 249 махсус техника, шул исәптән 78 катнаш юл машинасы , 66 трактор щеткасы, 39 үзбушаткыч, 32 фронталь төягеч, 12 «Барсик» минитөягече һәм башка техника җәлеп ителәчәк.

Кар чыгару Адамюк, Әмирхан, Аэропорт, Бауман, Большая Красная, Бондаренко, Ершов, Журналистлар, Ильич, Кирпичников, Кошевой, Красиков, Латыш Укчылары, Ленинград, Лобачевский, Мәрҗани, Малая Красная, Мәскәү, Каюм Насыйри, Подлужная, Сәйдәшев, Саммер, Ташаяк, Тинчурин, Тихомирнов, Товарищеская, Фучик, Чистай, Чуйков урамнарында, шулай ук Нокса авышлыгы, Универсиада проспектында һәм башка участокларда башкарылачак.

Кайбер урамнарда катнаш юл машиналарын һәм трактор щеткаларын кулланып сибү һәм себерү эшләре башкарылачак, дип хәбәр иттеләр шәһәрнең Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Шулай ук укыгыз

Барлык яңалыклар