Казан юлларын кардан чистарту өчен 53 юл эшчесе һәм 244 махсус техника җәлеп ителәчәк

Юл хезмәтләре казанлылардан машиналарын юл кырыйларында калдырмауларын сорый.

Фото: Денис Гордийко

(Казан шәһәре KZN.RU, 8-нче декабрь). 9-нчы декабрьгә каршы төндә Казан урамнарын кардан чистартуда 53 юл эшчесе һәм 244 берәмлек махсус техника, шул исәптән 83 катнаш юл машинасы, 61 трактор щеткасы, 43 үзбушаткыч, 30 фронталь төягеч, 12 «Барсик» минитөягече һәм башка техника катнашачак.

Кар чыгару Аграр, Аэропорт, Бассейн, Бауман, Большая Красная, Взлетная, Горький, Губкин, Дзержинский, Николай Ершов, Шәриф Камал, Касаткин, Космонавтлар, Лобачевский, Патрис Лумумба, Карл Маркс, Пушкин, Сәлимҗанов, Театр, Тихомирнов, Толстой, Федосеев, Фучик, Чернышевский урамнары участокларыннан, шулай ук Альберт Камалиев проспектыннан, Мамадыш һәм Себер трактларыннан, Нокса авышлыгыннан, Ирек мәйданы һәм башка участоклардан башкарылачак.

Кайбер урамнарда катнаш юл машиналарын һәм трактор щеткаларын кулланып сибү һәм себерү эшләре башкарылачак, шулай ук роторлар һәм грейдерлар эшләячәк.

Юл хезмәтләре казанлылардан машиналарын юл кырыйларында калдырмауларын сорый, чөнки алар махсус техника эшенә комачауларга мөмкин, дип хәбәр итә Тышкы төзекләндерү комитеты.

Шулай ук укыгыз

Барлык яңалыклар