5 февральдә Казанның кайбер йортларында ут булмаячак

Ут шәһәрнең Вахитов, Идел буе һәм Совет районнарында бетеп торачак.

(Казан шәһәре KZN.RU, 2-нче февраль). 5 февральдә Казанның кайбер йортларында ут булмаячак. Бу планлы төзекләндерү эшләре белән бәйле, дип хәбәр ителә “Сетевая компания” ААҖ сайтында.

8.00 сәгатьтән 17.00 сәгатькә кадәр Вахитов районында түбәндәге адреслар буенча ут булмаячак: Бутлеров ур., 21а, Некрасов ур., 26 (ввод 1), шулай ук кайбер административ һәм сәнәгый биналарда.

9.00 сәгатьтән 16.00 сәгатькә кадәр Идел буе районында шәхси секторда ут бетеп торачак: Борисково бистәсенең Горийская, Дудинка, Запорожье, Алабуга, 2-нче Алабуга урамнарында һәм Отар бистәсенең Зоя Даутова, Калинин, Матюшино, Озерная, Правда, Идел буе, Центральная урамнарында.

9.00 сәгатьтән 18.00 сәгатькә кадәр Совет районының Колсәет бистәсендә Акъяр, Шагыйрь Каменев, Тургай, Туполев, Чулпан урамнарында яшәүчеләр утсыз калачак.

Шулай ук укыгыз

Барлык яңалыклар