5 августта “Казан” Гаилә үзәгенең күзәтү мәйданчыгы төн уртасына кадәр эшләячәк

32 метр биеклектә урнашкан күзәтү ноктасы 2 августтан эшли башлый.

(Казан шәһәре KZN.RU, 31-нче июль). “Казан” Гаилә үзәгенең күзәтү мәйданчыгы 2 августтан үз эшен яңарта. 32 метр биеклектән шәһәрнең тарихи үзәгенә иң матур күренешләрнең берсе ачыла: Казан Кремле, яр буе, биек йортлар һәм магистральләр.

Күзәтү мәйданчыгы сишәмбе көннәрендә 10.00 сәгатьтән 18.00 сәгатькә кадәр, чәршәмбе-шимбә көннәрендә 10.00 сәгатьтән 19.00 сәгатькә кадәр, якшәмбе көннәрендә 11.00 сәгатьтән 19.00 сәгатькә кадәр эшли. Билет бәясе үзгәрешсез калды – 100 сум.

5 августта, Гаилә үзәге ачылуга 5 ел тулу уңаеннан, мәйданчык төн уртасына кадәр эшләячәк. Казанлыларга җәйге кояш баешын һәм йолдызларны күзәтергә уникаль мөмкинлек туа.

Искәртергә кирәк, “Казан” Гаилә үзәгенең күзәтү мәйданчыгы, җанатарлар фестивале биредә узганга күрә, эшләмичә торды.

Шулай ук укыгыз

Барлык яңалыклар