Казанның 48,5 мең укучысы «Пушкин картасы»н рәсмиләштергән

Аның буенча укучылар ел башыннан муниципаль мәдәният учреждениеләре вакыйгаларына 25 меңнән артык билет сатып алган

Фото: Денис Гордийко

(Казан шәһәре KZN.RU, 27 нче июль). Казаннан 48,5 мең укучы «Пушкин картасы»н рәсмиләштергән. Бу аларга ел башыннан муниципаль мәдәният учреждениеләре чараларына бушлай 25 меңнән артык билет алырга мөмкинлек биргән.

Мәктәп укучылары арасында Казан шәһәр филармониясе, В.Ленин исемендәге мәдәни-ял комплексы, «Мәскәү» һәм «Сәйдәш» мәдәни үзәкләре, шулай ук «Тимер юлчылар» мәдәният йорты аеруча да популяр булып тора.

Исегезгә төшерәбез, виртуаль «Пушкин картасы»н – «Мәдәният дәүләт хезмәте» кушымтасында, ә пластик картаны Банк почтасы бүлекчәсендә ясарга мөмкин. «Пушкин картасы» буенча карарга мөмкин булган чаралар исемлеге PRO.Культура.рф платформасында урнаштырылган.

«Пушкин картасы» Россия территориясендә 2021 елдан бирле эшли. Аның буенча 14 яшьтән 22 яшькә кадәрге гражданнар дәүләт хисабына мәдәни чараларга йөри ала. Картаның номиналы бүгенге көндә 5 мең сум тәшкил итә.

Шулай ук укыгыз

Барлык яңалыклар