Казанда коронавирус белән авыруның 47 яңа очрагы расланган

Россиядә соңгы тәүлек эчендә COVID-19 белән авыруның 23 меңнән артык яңа очрагы теркәлгән.

Фото: Денис Гордийко

(Казан шәһәре KZN.RU, 7-нче гыйнвар). Татарстанда COVID-19 белән авыруның 89 яңа очрагы теркәлгән, барысы да контактлы. 27 кеше хастаханәгә озатылган, 62 кеше өйләрендә дәвалана.

Авыручылар арасында ике балигъ булмаган бала, 18 яшьтән 30 яшькә кадәрге 4 кеше бар, 18 кеше - 30-дан 50 яшькә кадәр, 30 кеше - 50 яшьтән 60 яшькә кадәр, 14 кеше - 60 яшьтән 70 яшькә кадәр, 14 кеше - 70-тән 80 яшькә кадәр, 7 кеше - 80 яшьтән 90 яшькә кадәр.

47 кеше - Казанда, 14 кеше - Чаллыда, 8 кеше - Буа районында, 3-әр кеше - Арча һәм Биектау районында, 2-шәр кеше - Кукмара, Түбән Кама, Саба, Тәтеш районнарында, берәр кеше - Югары Ослан, Зәй, Яшел Үзән, Кайбыч, Лаеш, Тукай районнарында яши.

7-нче гыйнварга Татарстанда COVID-19 белән авыруның барлыгы 13 мең 907 очрагы теркәлгән. Пандемиянең бөтен чорында 10 мең 860 кеше сәламәтләнде, шул исәптән 19 авыру - узган тәүлектә, дип хәбәр итә ТР Сәламәтлек саклау министрлыгының матбугат хезмәте. 7-нче гыйнварга булган мәгълүматларга караганда, республикада коронавирустан 205 үлем очрагы теркәлгән.

Федераль оператив штаб мәгълүматы буенча, Россиядә соңгы тәүлек эчендә 23 мең 541 авыру очрагы теркәлгән. Барлыгы илдә 3 млн 332 мең 142 кеше авырган, 2 млн 709 мең 452 кеше сәламәтләнгән, 60 мең 457 кеше үлгән.

Шулай ук укыгыз

Барлык яңалыклар