Бүген төнлә юлларны җыештырырга 416 берәмлек махсус техника чыгачак

Казанлылардан шәхси транспортларын юл кырыйларында калдырмауларын сорыйлар.

Фото: Марат Мөгыйнов

(Казан шәһәре KZN.RU, 11 нче февраль). Бүген төнлә Казан урамнарын кардан җыештырырга 115 юл эшчесе һәм 416 берәмлек махсус техника чыгачак, шул исәптән 85 катнаш юл машинасы, 62 трактор щеткасы, 156 үзбушаткыч, 53 фронталь төягеч, 10 «Барсик» минитөягече һәм башка техника.

Кар 2 нче Тура, 2 нче Юго-Западная, Адоратский, Әмирхан, Баруди, Бауман, Бичурин, Боевая, Большая Красная, Бондаренко, Вишневский, Восстание, Восход, Гагарин, Гәрәев, Гвардия, Гыйззәт, Горький, Груздев, Губкин, Гудованцев, Декабристлар, Деловая, Дементьев, Дзержинский, Еники, Ершов, Журналистлар, Исаев, Камай, Карбышев, Копылов, Королев, Кремль, Кутуй, Латыш Укчылары, Ленинград, Лена, Лобачевский, Мәүлетов, Максимов, Маяковский, Меридиан, Миль, Мусин, Нардуган, Нариманов, Насыйри, Некрасов, Овражная, Островский, Профсоюз, Тэцевская, Хәким, Центральная, Четаев, Чистай, Чуйков, Шуртыгин урамнары участокларыннан, Ибраһимов, Универсиада һәм Ямашев проспектларыннан, Нагорный, Салмачы, Северный поселокларыннан, шулай ук урамнарның башка участокларыннан чыгарылачак.

Кайбер урамнарда катнаш юл машиналарын һәм трактор щеткаларын кулланып сибү һәм себерү эшләре башкарылачак, дип хәбәр иттеләр Казан Башкарма комитетының Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Шулай ук укыгыз

Барлык яңалыклар