4 ноябрь көнне Казанда кайбер автобуслар үзгәртелгән маршрут буенча йөриячәк

Үзгәрешләр 22, 28, 28а һәм 89 номерлы автобусларга кагыла

Денис Гордийко фотосы

4 ноябрь көнне Татарстан башкаласы үзәгендә Благовещение соборыннан Крестовоздвижение чиркәвенә кадәр Хач йөреше уздырыла. Шунлыктан дүрт автобус маршрутының хәрәкәт схемасы вакытлыча үзгәрә.

Шәһәрнең Транспорт комитеты хәбәр иткәнчә, 7:00 сәгатьтән чара тәмамланганчы 22, 28, 28а, 89 номерлы автобуслар түбәндәге схема буенча хәрәкәт итәчәк.

22 номерлы автобуслар туры юнәлештә Кремль дамбасы – Меңьеллык мәйданы – Сул як Болак урамы – Пушкин урамы – Горький урамы – Николай Ершов урамы буйлап, ә аннары маршрут буенча барачак. Кире юнәлештә автобуслар Карл Маркс урамы – Пушкин урамы – Уң як Болак урамы – Меңьеллык мәйданы – Кремль дамбасы һәм алга таба маршрут буенча барачак.

28 номерлы автобуслар Карл Маркс урамы – Пушкин урамы – Уң як Болак урамы – Меңьеллык мәйданы – Кремль дамбасы һәм алга таба маршрут буенча йөриячәк.

28а номерлы автобуслар Кремль дамбасы – Меңьеллык мәйданы – Сул як Болак урамы – Пушкин урамы – Горький урамы – Николай Ершов урамы аша һәм алга таба маршрут буенча барачак.

89 номерлы автобуслар туры юнәлештә Карл Маркс урамы – Пушкин урамы – Уң як Болак урамы – Меңьеллык мәйданы – Кремль дамбасы, ә аннары схема буенча хәрәкәт итәчәк. Кире юнәлештә автобуслар Кремль дамбасы – Меңьеллык мәйданы – Сул як Болак урамы – Пушкин урамы – Горький урамы – Николай Ершов урамы һәм алга таба маршрут буенча барачак.

Алдарак Татарстан башкаласында Хач йөреше уздырылу белән бәйле рәвештә кайбер урамнарда тукталышта туктап тору һәм транспорт хәрәкәте вакытлыча чикләнеләчәге турында хәбәр ителгән иде. Чикләүләр 4 ноябрьдә 7:00 сәгатьтән гамәлгә кертелә.

Шулай ук укыгыз

Барлык яңалыклар