4 нче майда Казанның Меңьеллык мәйданы транспорт хәрәкәте өчен ябык булачак

Җиңү парадының репетициясе бүген 19.00 сәгатьтән төнгә кадәр узачак.

Фото: Денис Гордийко

(Казан шәһәре KZN.RU, 4 нче май). Бөек Ватан сугышында Җиңүгә әзерлек һәм бәйрәм итү көннәрендә Казанда транспорт хәрәкәте өчен берничә урам ябылачак, дип хәбәр итә шәһәр Башкарма комитетының Мәдәният идарәсе.

4 нче май көнне 19:00 сәгатьтән 00:00 сәгатькә кадәр, гаскәрләрнең тантаналы узуы репетициясен үткәрү вакытында, Меңьеллык мәйданы, шул исәптән Ташаяк урамы ябылачак.

7 нче май көнне 16:30 дан 00:00 сәгатькә кадәр, театральләштерелгән эпилог репетицияләре һәм хәрби техника белән гаскәрләрнең тантаналы узуы вакытында, Меңьеллык мәйданы, шул исәптән Ташаяк, Уң як Болак, Сул як Болак урамнары, Кремль дамбасы ике юнәлештә дә, Кремль яр буе урамы ябылачак.

8 нче майның 16:30 сәгатеннән 10 нчы майның 8:00 сәгатенә кадәр, театральләштерелгән эпилог репетициясе вакытында, Меңьеллык мәйданы, шул исәптән Ташаяк, Уң як Болак, Сул як Болак урамнары, Кремль дамбасы ике юнәлештә дә, Кремль яр буе, Декабристлар урамнары (Комсомол урамыннан Меңьеллык мәйданына кадәр) ябык булачак.

8 нче майның 18:00 сәгатеннән 9 нчы майның 22:00 сәгатенә кадәр, Җиңү паркындагы чаралар вакытында, Ямашев проспектыннан Волгоград урамына кадәр Бондаренко урамы ябык булачак.

9 нчы май көнне 12:00 сәгатьтән 17:00 сәгатькә кадәр, «Үлемсез полк» акциясен уздырган вакытта, Карл Маркс, Лобачевский, Кремль урамнары ябык булачак.

9 нчы май көнне 19:00 дән 23:00 гә кадәр, бәйрәм программасын уздырган вакытта, С.Хәким урамы (Декабристлар урамыннан Бичурин урамына кадәр ике юнәлештә дә) ябылачак.

Шулай ук укыгыз

Барлык яңалыклар