4 нче июньдә Казанда Америка футболы буенча Россия чемпионаты матчы узачак

Җирле «Моторы» Түбән Новгородның «Рэйдерс 52» командасы белән уйнаячак.

Фото: «Казан моторлары»

(Казан шәһәре KZN.RU, 1 нче июнь). 4 нче июньдә Казанның «Тулпар» стадионында Америка футболы буенча Россия чемпионатының икенче тур матчы узачак. Казанның «Моторы» уенчылары Түбән Новгородның «Рэйдерс 52» командасы белән уйнаячак.

Быел ил беренчелегендә дүрт дивизионга бүленгән 12 команда – «Север», «Юг», «Запад» һәм «Восток» чыгыш ясый. «Моторы» уенчылары «Юнайтед» (Новороссийск) һәм «Рейдерс 52» (Түбән Новгород) командалары белән бергә «Көньяк» дивизионында уйнаячак. Беренче турда казанлылар «Юнайтед»ка 12:21 исәбе белән оттырдылар.

Түбән новгородлылардан тыш, «Моторы» төркем этабы кысаларында «Юнайтед» белән очрашачак – уен 2 нче июльдә булачак. 16 нчы июльдә «Моторы» уенчылары «Рэйдерс 52» белән уйнаячак. Даими чемпионат нәтиҗәләре буенча һәр дивизионнан иң көчле команда «Чирек финал»га чыгачак.

4 нче июньдә матч 14:00 сәгатьтә башлана. «Тулпар» стадионына керү ирекле, дип хәбәр итә Казан командасының матбугат хезмәте.

Исегезгә төшерәбез, Америка футболы буенча «Моторы» командасы ТР башкаласында 2004 елда оештырылган иде. Соңгы казанышлар арасында – «Евразия Кубогы 2021»дә җиңү.

Шулай ук укыгыз

Барлык яңалыклар