Бүген төнлә Казан урамнарын чистартырга 393 техника берәмлеге чыгачак

Юл хезмәтләре казанлылардан машиналарын юл кырыйларында калдырмауларын сорый.

Фото: Марат Мөгыйнов

(Казан шәһәре KZN.RU, 4 нче февраль). Бүген төнлә Казан урамнарын кардан чистартырга 95 юл эшчесе һәм 393 берәмлек махсус техника, шул исәптән 89 катнаш юл машинасы, 75 трактор щеткасы, 124 үзбушаткыч, 46 фронталь төягеч, 14 «Барсик» минитөягече һәм башка техника чыгачак.

Кар 2 нче Юго-Западная, Әмирхан, Арбузов, Батурин, Бауман, Беломорск, Большая Красная, Бондаренко, Борисовская, Вересаев, Восстание, Гаврилов, Гагарин, Газ, Гафури, Горький, Дзержинский, Ершов, Журналистлар, Карбышев, Касаткин, Каспий, Космонавтлар, Кремль, Курчатов, Лобачевский, Маркс, Миль, Минск, Мусин, Яңа Дәүләки, Пушкин, Ротор, Тверь, Театр, Тихомирнов, Толстой, Тула, Ударная, Ульянов-Ленин, Федосеев, Хәким, Халев, Чернышевский, Четаев, Чистай, Япеев урамнарыннан, Ибраһимов, Җиңү һәм Ямашев проспектларыннан, Мамадыш һәм Себер трактларыннан, Горький шоссесыннан, Архангельск тыкрыгыннан, Ирек мәйданыннан, Вознесение поселогыннан һәм башка урам участокларыннан чыгарылачак.

Кайбер урамнарда катнаш юл машиналары һәм трактор щеткаларын кулланып ком-тоз кушылмасы сибү һәм себерү эшләре башкарылачак, дип хәбәр иттеләр Казан Башкарма комитетының Тышкы төзекләндерү комитетында.

Юл хезмәтләре казанлылардан машиналарын юл кырыйларында калдырмауларын сорый, чөнки алар махсус техника эшенә комачауларга мөмкин.

Шулай ук укыгыз

Барлык яңалыклар