37 яшьлек казанлы каракларга ярты миллион сум акча күчергән

37 яшьлек казанлы каракларга ярты миллион сум акча күчергән

<p> </p> <div class="detail-picture"> <img src="https://www.kzn.ru/upload/iblock/730/DSC_0106.jpg"> <p class="detail-picture__caption"> Фото: Казан шәһәре KZN.RU </p> </div> <span style="color: #3d3d3d;">(Казан шәһәре KZN.RU, 30-нчы сентябрь). 37 яшьлек казанлы, үзенең җыйган акчаларын сакларга тырышып, каракларга ярты миллион сум күчергән. Ир-ат мөрәҗәгать иткән «Мәскәү» полиция бүлегендә «Караклык» маддәсе буенча җинаять эше кузгатылган. Хокук саклау органнары хезмәткәрләре җинаять буенча тикшерү эшләре алып бара.</span> <p> <span style="color: #3d3d3d;">Зыян күрүче полициягә 24-нче сентябрьдә мөрәҗәгать иткән. Ул кизү торучы часть хезмәткәрләренә көндез аңа билгесез кеше шалтыратканлыгын, үзен банк куркынычсызлык хезмәте хезмәткәре дип таныштырганын сөйләгән. Мошенник онлайн-банкта акчаларны санкциясез алу омтылышы теркәлгәнлеген хәбәр иткән.</span> </p> <p> <span style="color: #3d3d3d;">Аннары сөйләшү инде башка хезмәткәр белән, янәсе, өлкән белгеч белән дәвам иткән. Бу ир-ат акча алу омтылышында банк хезмәткәрләре шикләнелә, шуңа күрә акчаларны саклау өчен аларны махсус резерв счетка күчерергә кирәк, дигән. Әңгәмә барышында ят кеше зыян күрүченең счетына караган кайбер мәгълүматларны һәм балансын атый, шуңа күрә казанлы аның белән чын банк хезмәткәре сөйләшкәнлегендә шикләнми. Шуннан соң карак зыян күргән ир-атны, акчаны мөмкин кадәр тизрәк алып, күрсәтелгән счетка күчерергә кирәк, дип ышандыра.</span> </p> <p> <span style="color: #3d3d3d;">Зыян күрүче банк бүлегенә китә, анда 500 мең сум акчасын ала һәм аларны берничә транш белән мошенниклар кушкан счетка күчерә. Барлык банк операцияләрен үткәргәндә, билгесез кеше ир-ат белән элемтәдә тора. Аның сүзләренчә, бу банк хезмәткәрләрен мошенниклыкта фаш итү өчен кирәк булган.</span> </p> <p> <span style="color: #3d3d3d;">Өйгә кайткач, ир-ат булган хәлне анализлый, банкның кайнар линиясенә шалтырата һәм мошенниклар корбаны булуын белә.</span> </p> <p> <span style="color: #3d3d3d;">Әлеге факт буенча «Караклык» маддәсе буенча җинаять эше кузгатылды, дип хәбәр итә Россия Эчке эшләр министрлыгының Казан буенча идарәсе матбугат хезмәте. Полиция килеп чыккан хәлнең барлык шартларын ачыклый.</span> </p> <p> <span style="color: #3d3d3d;">Россия Эчке эшләр министрлыгының Казан буенча идарәсе халыкка таныш булмаган кешеләрдән килгән бөтен мәгълүматны яңадан тикшерергә киңәш итә. Таныш булмаган кешеләргә үзләренең банк карталары һәм счетлары турында мәгълүмат бирергә, билгесез счетларга акча күчерергә ярамый. Караклар тозагына эләккән очракта кичекмәстән полициягә «02» яки «112» телефоннары буенча мөрәҗәгать итүләрен сорыйлар.</span> </p>

2020-09-30T11:27:00+0300