30 нчы сентябрьдә казанлылар түләүсез юридик ярдәм ала алачак

Шәһәрлеләрнең сорауларына Россия Пенсия фонды, республика министрлыклары һәм ведомстволары белгечләре җавап бирәчәк.

Фото: Денис Гордийко

(Казан шәһәре KZN.RU, 27 нче сентябрь). 30 нчы сентябрьдә Татарстанда Өлкәннәр көненә багышланган Бөтенроссия халыкка түләүсез юридик ярдәм күрсәтү көне кысаларында консультацияләр узачак. Сораулар телефон аша кабул ителәчәк.

Казанлылар түбәндәге номерлар буенча 9:00 дән 16:30 га кадәр мөрәҗәгать итә ала:

+7(800)201-16-00;

+7(843)238-10-00;

+7(987)205-00-63 (WhatsApp).

Белгечләр график буенча өзеклексез консультация бирәчәк, дип хәбәр итә Россия юристлары ассоциациясе.

Шәһәрлеләрнең сорауларына РФ Пенсия фондының ТР буенча бүлеге, ТР Нотариаль палатасы, «ТР техник инвентаризация бюросы» АҖ, ТР Адвокатлар палатасы, ТР Хезмәт, халыкны эш белән тәэмин итү һәм социаль яклау министрлыгы, ТР Конституция суды, ТР Юстиция министрлыгы, Дәүләт теркәве, кадастр һәм картография федераль хезмәтенең ТР буенча идарәсе, ТРда Кеше хокуклары буенча вәкаләтле вәкил аппараты белгечләре, шулай ук Татарстан агробизнес кадрларын яңадан әзерләү институты, Әфганстандагы һәм башка локаль конфликтларның сугыш инвалидлары Татарстан республика иҗтимагый оешмасы белгечләре һәм Россия юристлары ассоциациясе әгъзалары җавап бирәчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар