30 майда WorldSkills Kazan 2019 ачылу һәм ябылу тантаналарына билетларны онлайн-сату башлана

Билет бәясе 300 сумнан 1500 сумга кадәр булачак.

(Казан шәһәре KZN.RU, 28-нче май, Алинә Бережная). 30-нчы майда WorldSkills Kazan 2019 дөнья чемпионатын ачу һәм ябу тантаналарына билетларны онлайн-сату башланачак. Бу хакта бүген Татарстан Республикасы Министрлар Кабинетында узган брифингта Һөнәри компетенцияләрне үстерү үзәге генераль директоры, WorldSkills Kazan 2019 проекты җитәкчесе Эмиль Гобәйдуллин хәбәр итте.

Билетларны worldskills2019.com сайтында сатып алырга мөмкин булачак. Билет бәясе 300 сумнан 1500 сумга кадәр булачак. Спикер сүзләренә караганда, шәһәр кассаларында билетлар чемпионат якынлашкан көннәрдә барлыкка киләчәк.

«Бу уникаль тамаша булачак, аның өстендә 2013 елгы Универсиада, 2015 елгы Су спорт төрләре буенча дөнья чемпионаты буенча таныш булган Игорь Крутойның продюсерлык үзәге эшли. Матур тамаша булачагына ышанабыз, ул бөтен дөньяга безнең ил, республика, эшче белгечлекләр турында хәбәр итәчәк», - дип хәбәр итте Э.Гобәйдуллин.

Исегезгә төшерәбез, WorldSkills Kazan 2019 дөнья чемпионаты Казанда 22-27 августта узачак. Анда 69 илдән 1500-гә якын конкурсант катнашачак, алар 56 компетенциядә ярышачаклар.

Шулай ук укыгыз

Барлык яңалыклар