30 нчы августта Казанда җәмәгать транспорты 23:30 га кадәр йөриячәк

Бәйрәм салюты тәмамланганнан соң шәһәр халкы һәм кунаклары өчен махсус автобуслар биреләчәк.

Фото: Денис Гордийко

(Казан шәһәре KZN.RU, 22 нче август, Диана Жиленкова). 30 нчы августта, Татарстан Республикасы һәм Казан шәһәре көнендә, җәмәгать транспорты көчәйтелгән режимда 23:30 га кадәр эшләячәк, шул ук вакытта хәрәкәт составы һәм рейслар саны артачак. Бу хакта Башкарма комитетта узган эшлекле дүшәмбе киңәшмәсендә Транспорт комитеты рәисе Әмир Сафин хәбәр итте.
Бәйрәм салюты тәмамланганнан соң Казан халкы һәм кунаклары өчен махсус автобуслар биреләчәк. 20:30 дан алар пассажирларны түбәндәге урыннарда көтәчәк:

- ЦУМ янындагы (Мәскәү һәм Сәетгалиев урамнары юнәлешендә) җирле юл янында;

- Декабристлар урамы юнәлешендә «Энергетика университеты» тукталышында;

- Кремль дамбасы юнәлешендә «Яшьләр үзәге» тукталышында;

- Батурин урамы юнәлешендә «Цирк» тукталышында;

- Декабристлар урамы юнәлешендә «Батурин урамы» тукталышында;

- Кремль дамбасы һәм Тукай мәйданы юнәлешендә «Үзәк стадион» тукталышында.

Ә.Сафин билгеләп үткәнчә, метрополитенның эш графигы үзгәрешсез калачак – 6:00 дән 00:00 сәгатькә кадәр. Әмма 9:00 дән 23:30 га кадәр хәрәкәт составы артачак, ә поездлар хәрәкәте интерваллары кыскарачак.

Хәрәкәт схемасы һәм маршрутларның хәрәкәт графигындагы үзгәрешләр, шулай ук автобусларны махсус бирү урыннары белән ТР башкаласы халкы һәм кунаклары барлык төр транспортта урнаштырылачак QR-кодлар, шул исәптән метрополитен станцияләре платформаларына куелган терминаллар ярдәмендә таныша алачаклар.