30 нчы апрельдә Казаннан аэропортка бушлай өстәмә шәһәр яны поездлары йөриячәк

Электричкалар пассажирларны X Республика ифтары уздыру урынына китерәчәкләр.

Фото: Денис Гордийко

(Казан шәһәре KZN.RU, 29 нчы апрель). 30 нчы апрельдә X Республика ифтары кунаклары өчен өстәмә шәһәр яны поездлары йөриячәк. Чарада 10 мең кеше катнашыр дип көтелә.

Җәдвәлгә түбәндәге маршрутлар кертелә:

7602 нче номерлы Казан – Аэропорт поезды. Ул Казан станциясеннән 8:22 сәгатьтә китә, Аэропорт станциясенә 8:47 сәгатьтә килә;

7604 нче номерлы Казан – Аэропорт поезды. Ул Казан станциясеннән 16:45 сәгатьтә китә, Аэропорт станциясенә 17:05 сәгатьтә килә;

7606 нчы номерлы Казан – Аэропорт поезды. Ул Казан станциясеннән 17:40 сәгатьтә китә, Аэропорт станциясенә 18:00 сәгатьтә килә;

7601 нче номерлы Аэропорт – Казан поезды. Ул Аэропорт станциясеннән 21:15 сәгатьтә китә, Казан станциясенә 21:38 сәгатьтә килә;

7603 нче номерлы Аэропорт – Казан поезды. Ул Аэропорт станциясеннән 23:00 сәгатьтә китә, Казан станциясенә 23:22 сәгатьтә килә.

Ифтарда катнашучылар һәм кунаклар өчен поездларда, 7602 нче номерлы поезддан кала, бару бушлай булачак. Поездда бушлай бару өчен пассажирларга X Республика ифтарына чакыру билетын күрсәтергә кирәк.

Поездлар арадаш тукталышларсыз хәрәкәт итәчәк, дип хәбәр итә «Содружество» АҖ матбугат хезмәте.

Моннан тыш, 30 нчы апрельдә бер көнгә 6708/6709 нчы номерлы Казан – Аэропорт – Казан шәһәр яны поездлары җәдвәлдән чыгарыла.

Барлык маршрутлар буенча тулырак мәгълүматны +7(937)625-04-33 телефоны буенча (тәүлек буе), транспорт компаниясе сайтында, «РЖД пассажирам» мобиль кушымтасында, кассаларда һәм тукталыш пунктларындагы мәгълүмат стендларында алырга мөмкин.

Шулай ук укыгыз

Барлык яңалыклар