3 ноябрьдә Казанда җылы һәм яңгырлы булачак

Синоптиклар шәһәрлеләрне вак яңгыр, томан һәм төнге бозлавык турында кисәтә.

(Казан шәһәре KZN.RU, 2-нче ноябрь). Иртәгә, 3 ноябрьдә, Казанда җылы һава торышы булачак. Шул ук вакытта аязучан болытлы һава булачак, урыны белән вак яңгыр көтелә. шимбәгә каршы төндә синоптиклар томан һәм көньяк-көнбатыштан уртача тизлектә җил фаразлыйлар. Һава температурасы 0 градуска кадәр төшәчәк. Көндез һава 4-6 градуска кадәр җылыначак.

Республика буенча шулай ук аязучан болытлы һава булачак. Урыны белән явым-төшем көтелә. Төнлә һәм иртән кайбер районнарда томан көтелә, юлларда – бозлавык. Көньяк-көнбатыштан уртача тизлектә җил фаразлана. Төнлә минималь температура – минус 1 градус. Көндез һава 2-7 градуска кадәр җылыначак.

4 ноябрьдә ачзучан болытлы һава саклана. Төнлә (урыны белән) һәм көндез (күпчелек районнарда) яңгыр һәм юеш кар явачак. Моннан кала, төнлә юлларда бозлавык саклана. Синоптиклар көньяк-көнбатыштан уртача тизлектә һәм көнбатыштан 17 м/с тизлектә исүче җил фаразлана. Төнлә һава температурасы минус 1 градуска кадәр төшәчәк. Көндез – 3-8 градуска кадәр күтәреләчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар