29 августта Казанның «Крылья Советов» паркында шәһәрлеләргә «Человек с бульвара Капуцинов» фильмын күрсәтәчәкләр

Һава торышы яхшы булган очракта, Совет кинематографы шедеврлары белән танышу сентябрь аенда да узачак.

(Казан шәһәре KZN.RU, 28-нче август). 29-нчы августта Казанның «Крылья Советов» паркында «Ретро-пәнҗешәмбе» проекты кысаларында чираттагы ачык кино күрсәтү узачак. Шәһәр халкын һәм кунакларын Алла Сурикованың «Человек с бульвара Капуцинов» картинасын карарга чакыралар.

Һава торышы яхшы булган очракта, Совет кинематографы шедеврлары белән танышу сентябрь аенда да узачак. Әйтик, 5-нче сентябрьдә казанлыларга «Полосатый рейс» фильмын күрсәтәчәкләр, ә 12-нче сентябрьдә – «Берегись автомобиля»ны.

Киносеанслар 20.00 сәгатькә планлаштырылган, дип хәбәр итә Парклар һәм скверлар дирекциясенең матбугат хезмәте.

Шулай ук укыгыз

Барлык яңалыклар