Яңалыклар
23.04.2019, 09:02
28 апрельдә Казанда икенчел чимал һәм кием җыю оештырылачак
Акциядә хәйрия фонды өчен тукыма кабул ителәчәк.
(Казан шәһәре KZN.RU, 23-нче апрель). 28-нче апрельдә казанлылар кирәкмәгән әйберләрне, макулатура һәм пластикны икенчел чимал кабул итү мобиль пунктына эшкәртү өчен тапшыра алачаклар. Экологик акция шәһәрнең сәүдә үзәкләренең берсендә үткәрелә, анда шулай ук «Икенче сулыш» хәйрия фондына тапшыру өчен тукыма җыела.
Экоактивистлар тукымадан урын-җир кирәк-яраклары, гардиннар, тюль, эскәтер, тукыма тастымаллар, сөлгеләр, халатлар һәм келәмнәр кабул итәчәк. Тукыма җитештерүгә бик күп су һәм химик ашламалар сарыф ителә, аны кабат куллану һәм эшкәртү әйләнә-тирә мохиткә йогынтыны киметергә, шулай ук чүплекләр санын киметергә мөмкинлек бирә, дип билгеләп үтә акцияне оештыручылар.
Шулай ук казанлылар мобиль пунктка макулатура, «1», «2», «4» маркировкасы булган пластик шешәләрне, «5» маркировкасы булган пластик контейнерлар һәм башка эшләнмәләр, «2», «4», «5», «7»маркировкасы белән йомшак пластик, пыяла, алюминий һәм калай банкалар, «тетра пак» төргәкләре, «дой пак» төргәкләре; cd-дисклар һәм алардан тартмалар, пластик карталар, теш щеткалары, касса тасмалары чөйләре, кием-салым, аяк киеме, сумкалар, пластик уенчыклар, ноутбуклардан аккумуляторлар, вак-төяк ватык техника, капрон оеклар, «Велоигелек» проекты өчен ватык велосипедлар, җепләр, тукымалар, зонтлар, ванна пәрдәләре һәм экосумкалар тегү өчен джинслар, «Тылсымлы капкачлар» акциясе өчен капкачлар тапшыра алачаклар.
Акциядә катнашырга теләүчеләрдән икенчел чималны әзерләү буенча яңартылган инструкцияне өйрәнүне сорыйлар. Калдыкларны сортларга аеру буенча тулы белешмәлек социаль челтәрләрдә бар.
Икенчел чималны кабул итү түбәндәге адрес буенча урнашкан сәүдә үзәгендә 15.00 сәгатьтән 19.00 сәгатькә кадәр узачак: Җиңү проспекты, 141.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
