28 апрельдә казанлылар Кремль яр буенда Пасха бәйрәмен билгеләп үтә

Программада - ярты метрлы пасха йомыркаларын бизәү буенча мастер-класслар, викториналар һәм конкурслар.

(Казан шәһәре KZN.RU, 26-нчы апрель). 28-нче апрельдә Казанда Кремль яр буенда Пасха бәйрәме узачак. Программада - гадәти булмаган мастер-класслар, викториналар, конкурслар һәм ярминкә.

Шәһәрлеләр өчен метр ярымлы пасха йомыркаларын буяу, гипс сыннарын ясау һәм бизәү, 3D каләмнәр ярдәмендә рәсем ясау, Благовещение соборы тарихы музееннан төрле орлыклар кулланып стильле коллаж ясау буенча дәресләр һәм башка бик күп нәрсәләр үткәреләчәк.

Теләүчеләр сәнгать картиналары һәм раритет пасха открыткалары күргәзмәсен карый, шулай ук Дәрвишләр бистәсендәге балалар йорты-интернат һәм handmade-мастерлар әзерләгән хәйрия ярминкәсендә катнаша алачаклар.

Бәйрәм үзәк аллеяда 13.00 сәгатьтә башлана, дип хәбәр итә оештыручылар.

Шулай ук укыгыз

Барлык яңалыклар