27 гыйнварда казанлылар икенчел чималны мобиль пунктка тапшыра алалар

Теләүчеләр "Велодобро" акциясенә һәм "Хөрмә" хәйрия проектына ярдәм итә алалар.

(Казан шәһәре KZN.RU, 22-нче гыйнвар). 27 гыйнварда казанлылар кирәкмәгән әйберләрне, макулатура һәм пластикны икенчел чимал кабул итү мобиль пунктына эшкәртү өчен тапшыра алачаклар. Теләүчеләр "Велодобро" акциясенә һәм "Хөрмә" хәйрия проектына ярдәм итә алалар.

Активистлар макулатура, "1", "2", "4" маркировкасы салынган пластик шешәләр, "5" маркировкасы белән пластик контейнерлар һәм башка эшләнмәләр, "2", "4", "5", "7" маркировкасы белән йомшак пластик, пыяла, алюминий һәм калай банкалары, "Тетра пак", "Дой пак" төргәкләре; cd-дисклар һәм тартмалар, пластик карталар, теш щеткалары, касса тасмасы втулкалары, кием-салым, аяк киеме, сумкалар, эшкәртү өчен пластик уенчыклар, ноутбуклардан аккумуляторлар, вак техника; "Велодобро" проекты өчен капрон көпчәкләре, "Хөрмә" игелек проекты өчен тукымалар, зонтиклар, экосумкалар, "Тылсымлы капкачлар" акциясе өчен капкачлар тапшыра алалар.

Акциядә катнашырга теләүчеләрне икенчел чималны әзерләү буенча инструкция белән танышуны сорыйлар. Шулай ук шәһәр халкы экоактивистларга ярдәм итә һәм проектка волонтерлар сыйфатында кушыла ала. Мобиль пункт эше турында тулырак мәгълүматны социаль челтәрләрдә өйрәнергә була.

Икенчел чимал кабул итү 15.00-20.00 сәгатьтә түбәндәге адрес буенча узачак: Җиңү проспекты, 141.

Шулай ук укыгыз

Барлык яңалыклар