27 нче ноябрьдә Казанда икенчел чимал кабул итү мобиль пункты эшләячәк

Шәһәрлеләр полистирол, пенопласт, коры органика, дару блистерлары һәм башка калдыкларны тапшыра алачак.

Фото: vk.com/ecologickzn

(Казан шәһәре KZN.RU, 21 нче ноябрь). 27 нче ноябрьдә Казанда икенчел эшкәртүгә чимал җыячаклар. Шәһәр халкы мобиль пунктка полистирол (PS-6 маркировкалы), пенопласт һәм башка калдыкларны тапшыра алачак. Экологик акция Казан сәүдә үзәкләренең берсендә булачак.

Волонтерлар ПЭТ-шешәләрне (Pet-1 маркировкасы белән), ПНД пластикны (шешәләр, HDPE-2, LDPE-4 маркировкалы канистерлар), пыяла, дару блистерлары, коры органика, хайваннар өчен азык, чәчәк өчен чүлмәкләр, шәраб бөкеләре (пластик түгел), эшли торган пульверизаторлар, теләсә нинди хәлдәге компьютер техникасын кабул итәчәк. Акция вакытында ватылган савыт-саба, велосипед, теш щеткалары, пластик уенчыклар, дымлы органиканы тапшырып булмый.

Икенчел чималны стикерларсыз чиста килеш китерергә кирәк. Тулырак мәгълүматны сылтама буенча белешмәлектә күрергә мөмкин.

Шулай ук халык фримаркетта үз әйберләре белән үзара алмаша алачак.

Мобиль пункт 10:00 дән 12:30 га кадәр Җиңү Проспекты, 141 адресы буенча урнашкан сәүдә үзәгенең ябык парковкасында эшләячәк, дип хәбәр ителә «Вконтакте» социаль челтәрендәге «Экологично» проекты төркемендә.

Акция «Экосбор+» икенчел чимал белән эш итү операторы һәм «Татнефть» хәйрия фонды гранты ярдәмендә үткәрелә.

Исегезгә төшерәбез, халык шулай ук автомобиль һәм велосипед шиннарын тапшыра алачак. Икенчел чимал эшкәртеләчәк һәм аннан балалар мәйданчыклары өчен резин плитәләр ясалачак.

Шулай ук укыгыз

Барлык яңалыклар