26 майда “Крылья советов” паркында беренче тапкыр Тормышны яратучылар көнен билгеләп үттеләр

26 майда “Крылья советов” паркында беренче тапкыр Тормышны яратучылар көнен билгеләп үттеләр

<p> (Казан шәһәре KZN.RU, 27-нче май). 26 май көнне Казанның “Крылья советов” паркында беренче тапкыр Тормышны яратучылар көнен билгеләп үттеләр – бәйрәмдә 6 меңнән артык кеше катнашты.<br> </p> <p> Бу көнне бәйрәм кунакларын концерт программасы, күргәзмә-ярминкә, мастер-класслар көтте. Теләүчеләр бию терапиясе белән шөгыльләнә алды. “Сәламәт яшәү рәвеше” мәйданчыгында кунаклар гомуми физик әзерлек һәм йога дәресләрендә катнаша алды. </p> <p> Проект кунаклары квестта да катнаша алды: квест биремнәрен үтәгән өчен оештыручылар истәлекле бүләкләр әзерләгән. </p> <p> Бәйрәмдә бүләкләү тантанасы үтте – “Жизнелюб” клубы челтәренең иң актив катнашучыларына һәм яшь укытучыларга Мәдәният идарәсе җитәкчесе Азат Абзалов рәхмәтен белдерде. </p> <p> Бәйрәм “Жизнелюб” проектының бәйге сезонын ачып җибәрде. Июньнән проектта катнашучылар дәресләрен Горький ис. Үзәк мәдәният һәм ял паркында, Урицкий паркында, “Крылья Советов”, “Наратлык” паркларында, Дәрвишләр скверында, Горки-Әмәт урманында һәм Аксенов бакчасында уздырачаклар. Җәйге дәресләр җәдвәле белән проект битендә танышырга мөмкин. </p>

2018-05-27T14:53:08+0300