26 апрельдә Аэропорт – Казан юнәлешендәге шәһәр яны поездының җәдвәле үзгәрәчәк

Бу - «Казан Экспо» халыкара күргәзмә үзәгенә баручы пассажирларны ташу белән бәйле.

(Казан шәһәре KZN.RU, 25-нче апрель). 26-нчы апрельдә 6709-нчы номерлы Аэропорт – Казан шәһәр яны поездының җәдвәле үзгәрәчәк. Бу - «Казан Экспо» халыкара күргәзмә үзәгенә баручы пассажирларны ташу белән бәйле.

Аэропорт станциясеннән поезд 17.30 сәгатьтә кузгала, Столбищедан – 17.35-17.36 сәгатьтә, Юбилейнаядан – 17.38-17.39 сәгатьтә, Комбинаттан – 17.42-17.43 сәгатьтә, Березовая Рощадан – 17.45-17.46 сәгатьтә, Вахитоводан 17.52-17.53 сәгатьтә китәчәк. Поезд 17.58 сәгатькә Казан станциясенә килер дип көтелә.

Шулай ук бу көнне 6706-нчы һәм 6708-нче номерлы Казан – Аэропорт һәм 6707-нче һәм 6709-нчы номерлы Аэропорт – Казан шәһәр яны поездларында дүрттән алтыга кадәр вагоннар саны арттырылачак, дип хәбәр итә «Содружество» акционерлык җәмгыяте матбугат хезмәте.

Шулай ук укыгыз

Барлык яңалыклар