Татарстанда коронавирус инфекциясе белән авыруның 252 яңа очрагы ачыкланган

Бер тәүлек эчендә СОVID-19га каршы вакцинацияне 18 мең 143 кеше узган.

Фото: Марат Мугинов

(Казан шәһәре KZN.RU, 9-нчы ноябрь). Татарстанда COVID-19 белән авыруның 252 яңа очрагы теркәлгән, шуларның 6-сы читтән кайтучыларда, калганнары – элемтә аша. 46 кеше хастаханәгә озатылган, 206 кеше өйләрендә дәвалана.

Авыручылар арасында 167 кеше – Казанда, 16 кеше – Чаллыда, 10 кеше – Чистай районында, 7-шәр кеше – Бөгелмә һәм Түбән Кама районнарында, 5-әр кеше – Әлмәт, Биектау һәм Тәтеш районнарында, 4 кеше – Яшел Үзән районында, 3 кеше – Зәй, Лаеш һәм Тукай районнарында, 2-шәр кеше – Әгерҗе, Буа, Питрәч һәм Саба районнарында, бер кеше – Апас, Балтач, Алабуга, Кайбыч, Кукмара, Минзәлә, Нурлат һәм Чирмешән районнарында яши.

9-нчы ноябрьгә Татарстанда 32 мең 656 СОVID-19 авыруы теркәлгән. Пандемиянең бөтен чорында 26 мең 76 кеше сәламәтләнгән, шул исәптән 128 кеше – узган тәүлектә. Барлыгы 1 млн 710 мең 821 кеше вакцинацияләнгән (тәүлеккә үсеш – 18 мең 143), шулардан 1 млн 137 мең 552 кеше икенче прививканы алган.

Федераль оператив штаб мәгълүматы буенча, Россиядә тәүлек эчендә 39 мең 160 яңа авыру очрагы теркәлгән. Барлыгы илдә пандемия башыннан авыруның 8 млн 873 мең 655 очрагы ачыкланган, 7 млн 619 мең 596 кеше сәламәтләнгән.

Исегезгә төшерәбез, коронавируска каршы прививканы поликлиникаларда гына түгел, ә вакцинациянең мобиль пунктларында да ясатырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслар һәм эш режимы KZN.RU порталында бастырылган.

Шулай ук укыгыз

Барлык яңалыклар