24 июль көнне этләрне вакцинацияләүнең һәм стерильләштерүнең мобиль пункты Северный бистәсенә киләчәк

Кабул итү 10:00 сәгатьтән 14:00 сәгатькә кадәр тере чират тәртибендә алып барылачак.

Фото: Казан шәһәре KZN.RU

(Казан шәһәре KZN.RU, 23-нче июль). Казанда этләрне бушлай вакцинацияләү һәм стерильләштерүнең мобиль пункты эшли. 24-нче июль көнне белгечләр Авиатөзелеш районының Северный бистәсенә киләчәк.

Мәдәният йорты (Кутузов урамы, 15) янында эшләячәк мобиль пунктта ветеринария хезмәтләре комплексы күрсәтеләчәк – вакцинацияләүдән һәм стерильләштерүдән тыш, дүртаяклыларга ветеринария паспорты биреләчәк, ә хуҗасы теләге буенча йорт хайваннарына чип кертәчәкләр яки колакларына тамга эләчәкләр. Кабул итү 10:00 сәгатьтән 14:00 сәгатькә кадәр тере чират тәртибендә алып барылачак.

Исегезгә төшерәбез, мобиль пункт шәһәр бистәләрендә Казан Мэры Илсур Метшин кушуы буенча эшли башлады. Йорт хайваннарын бушлай вакцинацияләү һәм стерильләштерү акцияләре 3-нче, 10-нчы һәм 17-нче июль көннәрендә Совет районының Вознесение, Идел буе районының Отар һәм Салмачы торак массивларында узды.

Мобиль пунктны 31-нче июль көнне Авиатөзелеш районының Кадыш бистәсенә, 7-нче августта Совет районының Константиновка бистәсенә чыгару планлаштырыла. Күченү графигы һәм мобиль пунктларның урнашуы гражданнар мөрәҗәгатьләреннән чыгып төзеләчәк. Гаризаларны Торак-коммуналь хуҗалык комитетында +7(843)590-04-26 телефоны буенча калдырырга мөмкин.

Шулай ук укыгыз

Барлык яңалыклар