24 апрель көнне Казанның Вахитов районында вакантлы эш урыннары мини-ярминкәсе узачак

Килүчеләр шәһәр предприятиеләренең кадрлар хезмәте вәкилләре белән очраша алачаклар.

(Казан шәһәре KZN.RU, 19-нчы апрель). 24-нче апрельдә Казанның Вахитов районы халыкны эш белән тәэмин итү үзәгендә вакантлы эш урыннары мини-ярминкәсе узачак. Чарада 5 предприятие һәм оешма катнашачак.

Эш белән тәэмин итүчеләр ярминкәдә катнашучыларны эш шартлары, эшкә урнашучыларга карата таләпләр белән таныштырачаклар, үзләрен кызыксындырган сорауларга җавап бирәчәкләр.

Килүчеләр шулай ук пенсия белән тәэмин итү, булачак пенсияне формалаштыру, 2019 елда пенсияләрне индексацияләү, бер тапкыр бирелә торган акчалата түләүләр, үз эшләрен ачу һәм бюджеттан тыш фондларга мәҗбүри түләүләр кертү мәсьәләләре, шулай ук гражданнарга реаль вакыт режимында үзләренең формалаштырылган пенсия хокуклары турында белергә мөмкинлек бирә торган «Иминләштерелгән затның шәхси кабинетында» теркәлү тәртибе буенча консультацияләр ала алачаклар.

Вакантлы эш урыннары ярминкәсе 9.00 сәгатьтән 11.00 сәгатькә кадәр түбәндәге адрес буенча узачак: Качалов урамы, 77, дип хәбәр итә ТР Хезмәт, халыкны эш белән тәэмин итү һәм социаль яклау министрлыгы матбугат хезмәте.

Шулай ук укыгыз

Барлык яңалыклар