23 нче июльдә Казанның Киров дамбасы янында өмә узачак

Экологик акция барышында пикник, чәй эчү һәм балалар өчен уеннар планлаштырылган.

Фото: Денис Гордийко

(Казан шәһәре KZN.RU, 19 нчы июль). 23 нче июльдә Казанның Киров районында өмә узачак. Барлык теләүчеләр Киров дамбасы янындагы яшел зонаны тимер юл ягыннан чистарта алачаклар.

Экологик акция барышында балалар өчен пикник, чәй эчү һәм төрле уеннар планлаштырылган. Чара 16:00 сәгатьтә башлана. Очрашу урыны – К.Цеткин урамындагы часовня арты. Үзегез белән җыештыру өчен кораллар (перчатка, тырма һ.б.) һәм ризыклар алырга кирәк, дип хәбәр иттеләр Казанның Киров һәм Мәскәү районнары администрациясе матбугат хезмәтендә.

Шулай ук укыгыз

Барлык яңалыклар