22 гыйнварда яшь казанлыларга паспортлар тапшырылачак

"Мин – Россия гражданины! Мин – Татарстан баласы!" акциясе Бөек Ватан сугышы Музей-мемориалында узачак.

(Казан шәһәре KZN.RU, 18-нче гыйнвар). 22 гыйнварда 1941-1945 еллар Бөек Ватан сугышы Музей-мемориалында "Мин – Россия гражданины!" Мин – Татарстан баласы!" акциясе - 14 яшькә җиткән казанлыларга паспортлар тапшыру тантанасы узачак.

Тантанада балаларны туган як тарихы һәм үз халкының гореф-гадәтләре белән таныштырачаклар, ә төп документны ТР Прокуратурасы бүлеге прокуроры Михаил Вавилин тапшырачак.

Шуны да билгеләп үтәргә кирәк, егетләр һәм кызлар мәдәният министры Ирада Әюпова, Дәүләт Советы Рәисе урынбасары Татьяна Ларионова, Президент ярдәмчесе Олеся Балтусова, халык шагыйре Разил Вәлиев һәм башкалар исеменнән документлар алдылар инде.

Паспортларны тапшыру тантанасы 14.00 сәгатьтә башлана, дип хәбәр итә ТР Милли музее матбугат хезмәте.

Шулай ук укыгыз

Барлык яңалыклар