22 гыйнварда Татарстан Росреестрында күчемсез милек белән алыш-бирешләрнең иминлеге турындагы сорауларга җавап бирәчәкләр

Кайнар линия телефоны 8.00 сәгатьтән 12.00 сәгатькә кадәр эшләячәк.

(Казан шәһәре KZN.RU, 18-нче гыйнвар). 22 гыйнварда Татарстан Росреестры күчемсез милек белән алыш-бирешләрнең иминлеге мәсьәләләре буенча кайнар линия ача. Казанлылар сорауларына Росреестрның ТР буенча идарәсенең килешүләрне дәүләт теркәве һәм физик затларның хокукларын күчерү бүлеге башлыгы Галина Гончарова җавап бирәчәк.

Казанлылар алыш-биреш процессын куркынычсыз итү юлларын, күчемсез милек сатып алыр алдыннан нәрсәгә игътибар итәргә, нинди документларны тикшерергә кирәклеген белә алачак, дип хәбәр итә Росреестрның Татарстан буенча идарәсе матбугат хезмәте.

Сораулар 22 гыйнвар 8.00 сәгатьтән 12.00 сәгатькә кадәр (843)255-25-71 телефоны буенча бирергә мөмкин булачак.

Шулай ук укыгыз

Барлык яңалыклар