Казанда коронавирус белән авыруның 22 яңа очрагы теркәлгән

Татарстанда тәүлек эчендә 47 татарстанлының COVID-19 белән авыруы ачыкланган.

Фото: Денис Гордийко

(Казан шәһәре KZN.RU, 15-нче март). Татарстанда 47 яңа COVID-19 белән авыру очрагы теркәлгән, шуларның берсе читтән кайтарылган, калганнары – контактлы. 17 кеше хастаханәгә озатылган, 30 кеше өйләрендә дәвалана.

Авыручылар арасында – өч балигъ булмаган бала бар, 10 кеше – 18 яшьтән 30 яшькә кадәр, 9 кеше – 30 яшьтән 50 яшькә кадәр, 11 кеше – 50 яшьтән 60 яшькә кадәр, 5 кеше 60 яшьтән 70 яшькә кадәр, 7 кеше – 70 яшьтән 80 яшькә кадәр, 2 кеше – 80 яшьтән 90 яшькә кадәр.

22 кеше – Казанда яши, 7 кеше – Яр Чаллыда, өчәр кеше – Әлмәт, Менделеевск районнарында, икешәр кеше – Актаныш, Югары Ослан, Алабуга, Яшел Үзән, Кама Тамагы районнарында, берсе – Кайбыч, Тәтеш районнарында.

15-нче мартка Татарстанда COVID-19 белән авыруның 18 мең 733 очрагы теркәлгән. Пандемиянең бөтен чорында 15 мең 354 кеше сәламәтләнгән, шул исәптән 11 кеше – узган тәүлектә.

Коронавирустан вакцина белән 103 мең 815 кеше прививка ясаткан. Стационар учреждениеләрдә 153 вакцинация пункты, шулай ук күчмә бригадалар эшли.

Федераль оператив штаб мәгълүматы буенча, Россиядә тәүлегенә 9 мең 437 яңа авыру очрагы ачыкланган. Илдә барлыгы 4 млн 400 мең 45 кеше авырган, 4 млн 3 мең 576 кеше сәламәтләнгән, 92 мең 494 кеше үлгән.

Шулай ук укыгыз

Барлык яңалыклар