Казанның Яңа Савин районында урнашкан йортларның краннарыннан яшел төскә буялган су агарга мөмкин

21-нче октябрьдә җылыүткәргечтән су агу урыннарын ачыклау буенча эшләр башкарылачак.

(Казан шәһәре KZN.RU, 18-нче октябрь). 21-нче октябрьдә Казанда җылыүткәргечнең су агу урыннарын ачыклау буенча эшләр башкарылачак. Бу максатлар өчен «Савиново» котельныеннан магистраль җылылык үткәргечләре челтәренә Уранин-А. яшел төстәге буягыч кертеләчәк.

Казан җылылык челтәрләре Казанның Яңа Савин районында яшәүчеләрдән яшел су акканын күргән очракта, шул исәптән кайнар су белән тәэмин итү краннарыннан да, Казан җылылык челтәрләренең диспетчерлык хезмәтенә түбәндәге телефон аша хәбәр итүне сорый: (843) 291-87-95 (күп каналлы).

Уранин-А җылылык белән тәэмин итү системаларында куллануга рөхсәт ителгән һәм Кулланучылар хокукларын яклау һәм кеше иминлеге өлкәләрендә күзәтчелек федераль хезмәте тарафыннан кешеләр сәламәтлеге һәм әйләнә-тирә мохит өчен зыянсыз булган индикатор сыйфатында рөхсәт ителгән, дип билгеләп үтәләр Торак-коммуналь хуҗалык комитетында.

Шулай ук укыгыз

Барлык яңалыклар