21 ноябрьдә Казанның җиде гаиләсенә ана капиталы сертификатларын тапшырачаклар

21 ноябрьдә Казанның җиде гаиләсенә ана капиталы сертификатларын тапшырачаклар

<p> <img width="870" src="https://www.kzn.ru/upload/iblock/53b/DEN_8144.jpg" height="652"><br> </p> <p> (Казан шәһәре KZN.RU, 15-нче ноябрь, Ксения Швецова). 21-нче ноябрьдә «Казан» Гаилә үзәгендә Әниләр көненә багышланган ана (гаилә) капиталына сертификатлар тапшыру тантанасы узачак. Бу көнне сертификатларны Казанның барлыгы җиде гаиләсе алачак. </p> <p> Сертификатларны тапшыру тантанасы шәһәр вокаль башкаручылары һәм коллективларының иҗади номерлары белән үрелеп барачак – Әминә Гыйльманова, Әминә Әхмәдҗанова һәм Никита Сурков чыгышлары көтелә. </p> <p> Быел Татарстан башкаласында барлыгы 5 мең 631 гаилә ана капиталы алган, ә тулаем республика буенча - 14 мең 762 гаилә, дип хәбәр иттеләр ТР буенча Пенсия фонды бүлеге матбугат хезмәтендә. </p> <p> Агымдагы елның 10 аенда Казанда 16410 бала тууы теркәлгән, алардан беренче бала – 7241 гаиләдә, икенче бала – 6465 гаиләдә, өченче бала - 2118 гаиләдә, дүртенче бала - 586 гаиләдә туган, дип хәбәр иттеләр Казанның гражданлык хәле актларын теркәү Идарәсендә. </p> <p> Исегезгә төшерәбез, 2007 елдан башлап ана (гаилә) капиталын алу хокукына икенче, өченче яки аннан соңгы бала туган гаиләләр ия. </p>

2019-11-15T10:02:21+0300