21 июньдә Казанда бераз яңгыр һәм көчле җил көтелә

Пәнҗешәмбе көндез һава температурасы +21-23 градус тәшкил итәчәк.

(Казан шәһәре KZN.RU, 20-нче июнь). Киләсе тәүлектә Казанда алмашынучан болытлы һава көтелә. Бүген төнлә явым-төшем күзәтелми, иртәгә көндез урыны белән бераз яңгыр явачак.

21 июньдә төнлә төньяк-көнбатыштан уртача тизлектә җил фаразлана. Һаваның минималь температурасы +10-12 градус тәшкил итәчәк.

Пәнҗешәмбе көндез Татарстан синоптиклары көнбатыштан 12-17 м/с, урыны белән 22 м/с тизлек белән исә торган көчле җил турында кисәтәләр. Һаваның максималь темпераурасы +21-23 градус булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар