21 июльдә тәре йөреше белән бәйле рәвештә Казан үзәгендә транспорт хәрәкәте чикләнә

Казан Изге Ана иконасы белән тәре йөреше Благовещенск соборыннан Крестовоздвижение чиркәвенә кадәр узачак.

(Казан шәһәре KZN.RU, 31-нче май). Казанда 21 июльдә Казан Изге Ана иконасы белән тәре йөрешенә бәйле рәвештә транспорт хәрәкәте чикләнә. Тиешле карар шәһәрнең Башкарма комитетында имзаланды. Казан Изге Ана иконасы белән тәре йөреше Благовещенск соборыннан Крестовоздвижение чиркәвенә кадәр узачак.

6.00 сәгатьтән 11.30 сәгятькә кадәр Миславский урамында, К.Маркс урамыннан Большая Красная урамына кадәрге өлешендә, хәрәкәт чикләнә.

10.30 сәгатьтән 11.30 сәгатькә кадәр юлның түбәндәге өлешләрендә хәрәкәт чикләнә:

Кремль ур., Чернышевский урамыннан 1 Май мәйданына кадәр;

Профсоюз ур., Чернышевский урамыннан Ташаяк урамына кадәр;

Беренче Май мәйданыннан төшү юлы, Кремль урамыннан Уң як Болак урамына кадәр;

Бауман ур., Профсоюз урамыннан Батурин урамына кадәр;

Батурин урамыннан Кремль транспорт дамбасына төшү юлы;

Батурин ур., Кремль транспорт дамбасыннан Дзержинский урамына кадәр;

Большая Красная ур., Япеев урамыннан Батурин урамына кадәр;

К.Маркс ур., Батурин урамыннан Япеев урамына кадәр;

Япеев ур., Дзержинский урамыннан Большая Красная урамына кадәр (кирәк булган очракта);

Миславский ур., К.Маркс урамыннан Держинский урамына кадәр.