21 апрельдә Казанда авыл хуҗалыгы ярминкәләре узачак

Авыл хуҗалыгы ярминкәләре сезоны 28-нче апрельгә кадәр дәвам итәчәк.

(Казан шәһәре KZN.RU, 20-нче апрель). 21-нче апрельдә Казанда гадәти атна саен уза торган ярминкәләр оештырыла. Биредә авыл хуҗалыгы продукциясен һәм көндәлек кулланыштагы азык-төлек товарлары сатып алырга мөмкин.

Казанның Кулланучылар базары комитетында хәбәр ителгәнчә, Татарстан башкаласында сәүдә 16 мәйданчыкта узачак:

Авиатөзелеш районында авыл хуҗалыгы продукциясен Ленинград ур., 27 , Беломорск һәм Гудованцев урамнары киселешендә, Дементьев ур., 7 адресы буенча алып булачак.

Вахитов районында ярминкәләр Чехов ур., 1 һәм К.Тинчурин белән Татарстан урамнары киселешендә ачылачак.

Киров районында мәйданчыклар түбәндәге адреслар буенча урнаша: Краснококшайск ур., 150/2, Ильич ур., 1, корп.1, Батыршин ур., 20.

Мәскәү районында авыл хуҗалыгы продукциясен Ш.Усманов ур., 1 адресы буенча алып булачак.

Яңа Савин районында сәүдә эше Ямашев проспекты 71а, Академик Лаврентьев ур., 10 адреслары буенча урнашкан мәйданчыкларда барачак.

Идел буе районында ярминкә Җиңү проспекты 48а һәм Ю.Фучик ур., 72 адресы буенча узачак.

Совет районында 3 мәйданчык ачыла: Аграр ур., 2 “Казан” Агросәнәгать паркы ААҖ, Липатов ур., 7 һәм Зәкиев ур., 12.

Сәүдә эше 6.00 сәгатьтән 13.00 сәгатькә кадәр барачак. Искәртеп китик, 24-нче мартта ачылган авыл хуҗалыгы ярминкәләре сезоны 28-нче апрельгә кадәр дәвам итәчәк.

Шулай ук укыгыз

Барлык яңалыклар