В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Кан банкы 70 литрдан артык канга тулыланды.
(Казан шәһәре KZN.RU, 14-нче июнь). Бүген Казан Бөтендөнья донор көненә кушылды. Әлеге көнгә багышланган чараларда 200 казанлы катнашты, ә кан банкы 70 литрдан артык канга тулыланды.
Беренче тапкыр 1 май мәйданында кан тапшыру өчен махсус мобиль пункт эшләде. Мәйданчыкта донорлык буенча викториналар үтте, ә медик-волонтерлар беренче ярдәм күрсәтү буенча мастер-класс уздырдылар, дип хәбәр итә «Игелекле Казан» проекты. Акция ахырында донорларга кайнар төшке аш бирелде.
Чара DonorSearch проекты ярдәмендә «Игелекле Казан» проекты һәм Республика кан үзәге тарафыннан оештырылды.