20 нче ноябрьдә Казанның Урицкий паркында икенчел чимал җыячаклар

Узган акциядә шәһәр халкы 1268 кг пластик, макулатура, капкач, диск һәм башка төр фракцияләрне эшкәртүгә тапшырган.

Фото: Денис Гордийко

(Казан шәһәре KZN.RU, 7 нче ноябрь). 20 нче ноябрьдә Казанның Урицкий исемендәге паркында икенчел чимал кабул итү мобиль пункты эшләячәк. Халык эшкәртүгә икенчел чималны тапшыра һәм фримаркетта катнаша алачак.

Волонтерлар өстәмә рәвештә пыяла, дару блистерлары, кокосның бөтен килеш сакланган кабыгы, хайван азыклары, чәчәк савытлары һәм шәраб пробкаларын кабул итәчәк. Икенчел чималны дөрес әзерләргә кирәк. Инструкция сылтама буенча урнаштырылган. Мобиль пунктка полистирол (PS-6 маркировкалы), савыт-саба, велосипед, теш щеткалары, пластик уенчыклар һәм органик калдыклар тапшырырга ярамый.

Акция «Мәскәү» мәдәни үзәге бинасы артында 10:00 дән 12:00 гә кадәр узачак. Локацияне сылтама буенча карарга мөмкин.

Исегезгә төшерәбез, 30 нчы октябрьдә мобиль пункт Казан сәүдә үзәкләренең берсендә эшләде. Икенчел чималны тапшырырга 490 кеше килде. Активистлар 1268 кг икенчел чимал җыйдылар: 208 кг каты һәм 321 кг йомшак пластик, 264 кг макулатура, 44 кг капкач, 23 кг компакт-диск, техника һәм башка фракцияләр. Шулай ук казанлылар 263 кг кием-салым һәм чүпрәк тапшырды, алар «Беренче адым» хәйрия фондына бирелде.

Шулай ук укыгыз

Барлык яңалыклар