20 нче һәм 21 нче июльдә Казан үзәгендә тәре йөреше аркасында транспорт чараларының хәрәкәт итү һәм туктау урыннары чикләнәчәк

Дин тотучылар Благовещение соборыннан алып Крестовоздвижение чиркәвенә кадәр узачак.

Фото: Денис Гордийко

(Казан шәһәре KZN.RU, 19 нчы июль). 20 нче һәм 21 нче июльдә Казанның үзәк урамнарында транспорт чаралары хәрәкәте һәм туктау урыннары чикләнәчәк. Бу Благовещение соборыннан алып Крестовоздвижение чиркәвенә кадәр Казан Изге Ана иконасы белән тәре йөреше үткәрүгә бәйле.

20 нче июльнең 20:00 сәгатеннән 21 нче июльнең 13:00 сәгатенә кадәр Миславский урамы буенча, К.Маркс урамыннан Большая Красная урамына кадәрге участокта, хәрәкәт итү тыела.

21 нче июльнең 7:00 сәгатеннән 13:00 сәгатенә кадәр түбәндәге урыннарда хәрәкәт итү һәм автомобиль юлында тукталу чикләнәчәк:

Кремль урамы, Чернышевский урамыннан 1 нче Май мәйданына кадәрге участокта;

Профсоюз урамы, Чернышевский урамыннан Меңьеллык мәйданына кадәрге участокта;

1 нче Май мәйданыннан төшү, Кремль урамыннан Профсоюз урамына кадәрге участокта;

Бауман урамы, Профсоюз урамыннан Батурин урамына кадәрге участокта;

Меңьеллык мәйданыннан Батурин урамына төшү;

Батурин урамыннан Кремль транспорт дамбасына төшү;

Батурин урамы, Кремль дамбасыннан Дзержинский урамына кадәрге участокта;

Большая Красная урамы, Япеев урамыннан Батурин урамына кадәрге участокта;

К.Маркс урамы, Лобачевский урамыннан Батурин урамына кадәрге участокта;

Япеев урамы, Дзержинский урамыннан Большая Красная урамына кадәрге участокта (кирәк булганда);

Миславский урамы, К.Маркс урамыннан Дзержинский урамына кадәрге участокта.

Тәре йөрешен үткәрү вакытында 22 нче, 28 нче, 28а һәм 89 нчы номерлы автобуслар хәрәкәте туктатылачак, дип хәбәр иттеләр Транспорт комитетында.

Исегезгә төшерәбез, 20 нче һәм 21 нче июльдә Казан-Богородица ирләр монастыренда Изге Богородица Казан образына 443 ел тулу уңаеннан тантаналы чаралар узачак. Бәйрәм чараларында катнашу өчен Татарстан башкаласына Рус православие чиркәвенең архипастырьлар сонмы киләчәк. Благовещение соборында тәре йөреше алдыннан 7:30 сәгатьтә Изге Мәрьям Ананың догасы кылыначак.

Шулай ук укыгыз

Барлык яңалыклар