20 апрельдә Казанда эш урыннары ярминкәсе узачак

Килүчеләр шәһәр оешмаларының кадрлар хезмәтләре вәкилләре белән очраша алачаклар.

(Казан шәһәре KZN.RU, 12-нче апрель). 20-нче апрельдә Казан сәүдә үзәкләренең берсендә (Җиңү проспекты, 141, 2-нче кат) эш урыннары ярминкәсе узачак.

Килүчеләр ярминкәдә катнаша торган шәһәр оешмаларының кадрлар хезмәтләре вәкилләре белән очраша һәм буш эш урыннары хакында белә алачаклар. Эш эзләүчеләргә эшкә урнашу өчен юллама алу мөмкинлеге, шулай ук мәшгульлек хезмәте белгечләренең хезмәт һәм эш белән тәэмин итү мәсьәләләре буенча консультацияләре, дәүләт гарантияләре, һөнәри белем бирү, яңадан укыту һәм һөнәри юнәлеш бирү мәсьәләләре буенча консультацияләр алу мөмкинлеге бирелә.

Ярминкә 11.00 сәгатьтән 15.00 сәгатькә кадәр барачак, дип хәбәр итә Казан мәшгульлек үзәге.

Шулай ук укыгыз

Барлык яңалыклар